( لسنا هنا للمنافسة وأنما نهدف لرفع وتطوير ثقافات ومهارات المتصفح العربى )
|
آخر مواضيع منتدي النجوم |
|---|
الموضوع | تاريخ ارسال المشاركة | بواسطة | | برنامج حسابات شركات الانترنت
برنامج حسابات شركات الانترنت
برنامج اداره حسابات و مبيعات و مستودعات
برنامج الحسابات و المبيعات أي سيلز
برنامج اداره مطاعم برنامج اي شيف
برنامج loading لاداره شركات الشبكات و توزيع الانترنت
برنامج حسابات برنامج ايت
برنامج تعاقدات صيدليات
هام لكل صيدلي فارماكير في معرض pharmacy Expo
تحميل برنامج اداره تعاقدات و مطالبات الصيدليات
|  الإثنين أكتوبر 24, 2016 12:44 pm
الأحد أكتوبر 16, 2016 3:14 pm
الأربعاء أبريل 06, 2016 4:26 pm
الأربعاء أبريل 06, 2016 4:26 pm
الأربعاء أبريل 06, 2016 4:25 pm
الأربعاء أبريل 06, 2016 4:24 pm
الأربعاء أبريل 06, 2016 4:24 pm
الأربعاء أبريل 06, 2016 4:23 pm
الخميس فبراير 18, 2016 12:38 pm
الخميس فبراير 18, 2016 12:37 pm
| 
|
|
| بيانات كاتب الموضوع | اجمل قصائد شعراء مصر | | كاتب الموضوع | رسالة |
|---|
| معلومات العضو | الكاتب: | | اللقب: | | الرتبه: | | | الصورة الرمزية | |
| الإتصالات | | الحالة: | | | وسائل الإتصال: | |
| موضوع: اجمل قصائد شعراء مصر  الثلاثاء يونيو 07, 2011 12:10 am |
|
اخترت لكم اليوم مجموعة من أجمل القصائد التى كتبت فى الحب
بعضها أحضرته من مواقع مختلفة وبعضها كتبته بنفسى من كتبى الخاصة
اتمنى أن تنال اعجابكم
*****************
أقول لكم عن الحب
صلاح عبد الصبور
لان الحب مثل الشعر... ميلاد بلا حسبان
لان الحب مثل الشعر، ما با حت به الشفتا ن
بغير أوان
لأن الحب قهار كمثل الشعر
يرفرف فى فضاء الكون ...لا تعلو له جبهة
و تعلو حبهة الأنسان
أحدثكم- بداية ما أحدثكم- عن الحب
حديث الحب يوجعني و يطربني و يشجيني
و لما كان خفق الحب في قلبي هو النجوي بلا صاحب
حملت الحب في قلبي ، فأوجعني ، فأوجعني
و لما كان خفق الحب في قلبي هوالشكوي الي الصا حب
شكوت الحب للاصحاب و للدنيا ،فأوجعني
و لما صار خفق الحب في قلبي هو السلوي
لأيام بلا طعم ، و أشباح بلا صورة
و أمنية مجنحة بجــوف النفس مكسورة
حملت الحب للمحبوب ، ثم دنوت من قلبه
و قلت له أ تيتك... لا كبـير النفس , لا تياه
و لا في الكم جوهرة ، و لا في الصدر وشحت
و لكني انسان فقير الجيب و الفطنة
و مثل الناس أبحث عن طعامي في فجاج الآرض
و عن كوخ و انسان ليستر ما تعريت
و حين أدار لي وجها شريف اللمح و الصورة
تغنيت ...... تغنيت:
أغنية لقد محبوبي
أغنية لوجهه الجميل
أغنية لشعره الذهب
أغنية لخده الأسيل
لكنني لست بموهوب
أنا فتى لا يعرف الا القليل
أنا فتى لا يملك الا القليل
و قالت لى : لوجهى و الهوى يا شاعرى غنيت
فغن الآن أغنية لقلبك أنت
أسندت عودى الى الضلوع
و رحت استقطر الــنغـــــم
فأنّ عودى علي الضــلوع
و غمغم الصوت ، وأ نبهم
لحني ، فلتسعف الدموع
وضـعت العود ، ثم صـنعت بالكلمات ألحانا
بريئات كما فى الـقــلب .....
و قلت لها بأن ا لحب ما يصنع بالانسـان انسانا
و ان الحب ....
عندما يصبح انسان حقيقة
عندما يبحث فى ظل العيون ا لسود عن عين صديقة
ويراها.
عندما يحلم بالبيت وبالدفء على مخدع نظرة
ويوارى خوفه فى متكاها
عندما يحلم بالاطفال والنزهة فى صباح جمعة
عندما تمزج فى عينيه أشواق ودمعة
عندما يشرع انسان لانسان جناحه
ويناغيه دلالا وسماحة
عندما يصبح ما مر من الأيام محواً
لم يكن حيناً حياة القلب
عندما يصبح كل اللفظ لغواً
غير لفظ الحب..
وغمغم الصوت وانبهم لحنى
فلنسعف الدموع
وأغضت
ثم قالت لى:
لقد طابت بك الأيام، مرحى بك
عرفت الأن أنك لى
وإنى لك
**************
أيدوم النهر
أمل دنقل
أمل دنقل فى صبيحة زفافه كتب لعبلة الروينى يتساءل:
أيدوم النهر؟!
أيدوم لنا بستان الزهر
و البيت الهادئ عند النهر
أم يسقط خاتمنا في الماء
و يضيع ---يضيع مع التتار
و تفرقنا الأيدي السوداء
و نسير علي طرقات النار
لا نجرؤ تحت سياط القهر
أن نلقي النظرة خلف الظهر
أبدوم لنا البيت المرح
نتخاصم فيه و نصطلح
دقات الساعة و المجهول
تتباعد عني حين أراك
و اقول لزهر الصيف أقول
لو ينمو الورد بلا أشواك
و يظل البدر طوال الدهر
لا يكبر عن منتصف الشهر
اه يا زهر
لو دمت لنا
أو دام النهر
***************
المطر
أمل دنقل
وينزل المطر
ويغسل الشجر
ويثقل الغصون الخضراء بالثمر
ينكشف النسيان
عن قصص الحنان
عن ذكريات حب
ضيّعه الزمان
لم تبق منه الاالنقوش في الاغصان
قلب ينام فيه سهم
وكلمتان
تغيب في عناق
جنبي ...فراشتان
وانت ياحبيبي
طيرعلى سفر
ويرحل المطر
ويذبل الشجر
ويغمر الغبار النقوش والصور
وتهبط الاحزان
فتمحي الالوان
والقلب
والخطوط العرجاء
والاسمان
وينخر السوس القديم في العيدان
وترحل الطيور الزرق
بلا عنوان
تسال عن هوانا
تسال عما كان
ماكان ياحبيبي
حلم وقد عبر
وينزل المطر
ويرحل المطر
وينزل المطر
ويرحل المطر
والقلب ياحبيبي
مازال ينتظر
******************
الشاى باللبن
صلاح جاهين
أربع إيدين على الفطار
أربع شفايف يشربوا الشاى باللبن
ويبوسوا بعض ويحضنوا نور النهار
بين صدرها وصدره وبين البسمتين
ويحضنوا الحب اللى جمعهم سوا على الفطار
ويحضنوا الشمس اللى بتهز الستار
وتخش من بين الخيوط وبعضها مع الهوا.
للأوده ترسم نفسها على أرضها
على البساط اللى اشتروه مع الجهاز
على الغرا اللى اشتروه من غير تمن
و على القزاز
و يشربوا الشاى باللبن فى فنجالين
على الفطار أربع ايدين
و دبلتين
بيصحوا قلبى كل ليله فى المنام
و بيكتبولى بلون منور فزدقى
على الهوا الاسود و ع الجفن اللى نام
كلمة " سلام "
****************
أغنية حب
عبد الرحمن الابنودى
كانت عنيكى ضلتى ونورى والحلم والأيام
أغنية حب
كانت عنيكى زى شجرة توت
مليانة خضرة وضل
بنت الربيع نفسه وبنت الأرض
الأرض عشّاقة الشهيد والشاعر
أم العيون السودة وأم الزرع
ووقفت أحلف يومها تحتيهم
عشقى مستغنى عن المغنى
كانت عنيكى بيوت
وكانت قوت
كانت عنيكى ضلتى ونورى
والحلم والأيام
ويمر تانى الصيف
يتعرى توت وبييجى توت وانتِ
صوتك يورينى الطريق أمشى
وعنيكى شمسين ما وصفهم شعر
شوفته بعنيا والشفق نازل
شوفته بعينيا والشجر سكران
كانت عنيكى ضحكتى ونورى
والحلم والأيام
وكما تهب السنبلة م الأرض نبت الرحيل... فاكر
كان المطر نازل
وبتبعدى وبدبح حبال صوتى
نفس المكان.. نفس المكان.. نفس الـ...
وبتضحكى...
وبتختفى فى النور
*******************
فى عينيكِ عنوانى
فاروق جويدة
أحبك
واحة هدأت
عليها كل أحزانى
فى عينيك عنوانى
وقالت :
سوف تنساني
وتنسى أنني يوماً
وهبتك نبض وجداني
وتعشق موجة أخرى
وتهجر دفء شطآني ....
وتجلس مثلما كنا
لتسمع بعض الحاني
ولا تعنيك أحزاني
ويسقط كالمنى اسمي
وسوف يتوه عنواني
ترى .. ستقول يا عمري
بأنك كنت تهواني ؟؟!!
* * *
فقلت : هواك إيماني
ومغفرتي ... وعصياني
أتيتك والمنى عندي
بقايا بين أحضاني
ربيع مات طائره
على أنقاض بستان
رياح الحزن تعصرني
وتسخر بين وجداني
أحبك واحة هدأت
عليها كل أحزاني
أحبك نسمة تروي
لصمت الناس ... ألحاني
ولو خيرت في وطن
لقلت هواك أوطاني
ولو أنساك يا عمري
حنايا القلب ... تنساني
إذا ما ضعت في درب
ففي عينيك ... عنواني
********************
سيدة الماء
فاروق شوشة
تحت جلدى سكنتِ
فانتشرى الآن
ولا تقنعى بتسرى الشرايين
ولا بانطلاقة
كونى رحيقى
ريثما تحلم النباتات فى الأرض
برىّ
يأتى من الغور دفاقا
وسر
من الصفاء العميق
موكب فى الشرق
وعرس على الماء
وعرش قامت رواسيه كالطود
ومزمار عابر فى الطريق
لا تقولى غفوت
هذا الذى يحدث فى برزخ صحوى
فى تلافيف حلمى
يدعوك أن تستفيقى
*******************
بلدى وحبيبتى
أحمد فؤاد نجم
فى سخونة أحداث 1972
والانتفاضة ومظاهرات الطلبة والمعتقل
كان حب أحمد فؤاد نجم
كانت مصر فى عينه الشمال وحبيبته فى عينه اليمين
بلدي وحبيبتي
الغرام فى الدم سارح
والهوي
طارح معزة
والحنين للقرب بارح
والنوي جارح
يا عزة
يا إبتسامه فجر هلت
بددت ليلي الحزين
يا ندى الصبح اللى سأسأ
فوق خدودي الدبلانين
بلّ شوقهم
صحي لون الورد فوقهم
كل خد
وشم وردة
مين يدوقهم
غيرك انتِ
ومين سواكي
يا حياتي
يا ملاكي
يا نسيم الحب لما هب
هز القلب هزة
يا هوي الاحلام يا عزة
الليلادي جم خدونى يا ملاكي
جوز تنابلة
ونص دستة
من التيران
كنت باحلم يا حبيبتي
كنت باحلم
بيكي انتِ
كنا قال
أنا وإنتِ قال
ف جنينه خضرا
ومحاوطها البرتقان
والسيسبان
وإنتِ جوا قرنفلاية
بالعبير بتستحمي
أجري يمك يا هوايا
تسبقينى وتجري يمي
أحضنك
وأشرب عبيرك
من شفايفك
والغصون
وأقفه وشايفة
بتراعينا
بس خايفه م العيون
والعيون بتقول كلام
والكلام
طاير حمام
بينادينا بالاغاني
ويهادينا بالسلام
كنتب بحلم يا حبيببتي
كنت با حلم
بيكي انتِ
أيوه انتِ
ومين سواكي
يا حياتي
يا ملاكي
يا نسيم الحب لما هب
هز القلب هزة
يا هوى الاحلام يا عزة
وأنطلق فى الجو فجأة
يا حبيبتي
صوت مفاجأة
صوت يخلي الدم يجمد
إصحي يا أحمد
إصحي يا أحمد
وأنتهي الحلم الجميل
وابتدا الهم التقيل
_ فين إمام
_ إنتوا مين
- إحنا ناس مكلفين
تيجي سالك مش ح تتعب
وأحنا طبعا معذورين
- إنتوا دود الأرض
والآفة المخيفة
إنتوا ذرة رمل
فى عيون الخليفة
إنتوا كرباج المظالم
والمآسى
إنتوا علة ف جسم بلدى
إنتوا جيفة
- سكتوه ابن الكلاب
سففوه من التراب
فتشوا كل الأماكن
طلعوا رفوف الدولاب
كمموني يا حبييبتي
كتفوني يا حبيبتي
قومونى .. قعدوني
كل شعرة فى جسمي
بالعين فتشوها
المخدة من جنانهم
شرحوها
وإنتهي التفتيش
ما فيش
صدقيني
ما تخافيش
هو فيه يا عزة عندي ممنوعات
غير باحب الناس
وباكره السكات؟
بص واحد م التنابلة
جوا عيني
وإنتي عارفة
عنية صافية وطيبين
زي كل عيون بلدنا يا حبيبتي
شباكين
ع القلب دوغرى موصلين
كان مناه يلمح علامة خوف بسيطة
طب حييجي الخوف منين ابن
العبيطة
هو مين فينا الجبان
ولا مين فينا اللى خان
اللى قلبه بالمحبة وبالأمانى
وبالربيع لاخضر مزهر
والاغاني
ولا كلب الصيد
وأسياده الأباطرة
أكالين لحم البشر
فوق الصواني؟
هو مين فينا الجبان
ولا مين فينا اللى خان
هو بص فى عينى بصة
إرتجف وف حلقه غصة
واتعوج ومال وقال
جملتين مش مفهومين
أصله شاف صورتين جمال
فى العيون الطيبين
مصر فى العين الشمال
وإنتي فى العين اليمين
| احمد سليمان ; توقيع العضو |
|
| | |
| معلومات العضو | الكاتب: | | اللقب: | | الرتبه: | | | الصورة الرمزية | |
| الإتصالات | | الحالة: | | | وسائل الإتصال: | |
| موضوع: رد: اجمل قصائد شعراء مصر الخميس يونيو 16, 2011 5:20 pm |
|
| | |
| معلومات العضو | الكاتب: | | اللقب: | | الرتبه: | | | الصورة الرمزية | |
| الإتصالات | | الحالة: | | | وسائل الإتصال: | |
| موضوع: رد: اجمل قصائد شعراء مصر الجمعة يونيو 17, 2011 2:53 pm |
| شكرا لك على الموضوع الرائع
والقصائد المميزة
| | |
| معلومات العضو | الكاتب: | | اللقب: | المدير العام | الرتبه: | | | الصورة الرمزية | |
| الإتصالات | | الحالة: | | | وسائل الإتصال: | |
| موضوع: رد: اجمل قصائد شعراء مصر الجمعة يونيو 17, 2011 4:02 pm |
| قصائد رائعة جداً ، شكراً لك
| | |
| | | |
مواضيع مماثلة | |
|
|
|
الجنس
الدولة
عدد المساهمات
احترام قوانين المنتدي
هام جداً: قوانين المساهمة في المواضيع. انقر هنا للمعاينة 
